Date:  

Xildhiban Publications

Magaalada London oo lagu soo bandhigay buug qorey C/casiis Cali Ibrahim "Xildhiban"

London, 16-Dec-2006@[Xildhibanpublications] Munaasabad si heer sare ah loo soo qaban qaabiyay laguna qabtay magaalada London ee dalka Ingiriiska laguna soo bandhigayay buugga TAXANAHA TAARIIKHDA SOOMAALIYA ee uu qorey C/casiis Cali Ibrahim "Xildhiban" ayaa lagu qabtay Streatham Library, qabanqaabadeeduna uu lahaa Tom O'Dell oo ah Reader's Devolopment Officer in Lambeth Libraries, lana qabtay 16/12/2006.



Xafladdan oo ay ka soo qeyb galeen dadweyne aad u fara badan ka tirsan qeybaha bulshada Soomaaliyeed ayuu C/casiis "Xildhiban" kaga waramay sababihii uu u qorey buuggan iyo macluumaadka uu xambaarsan yahay.


Bandhigga Buugga TAXANAHA TAARIIKHDA SOOMAALIYA waxaa kaloo goobjooyaal ka ahaa mudaneyaal ka tirsan baarlamaanka KMG ah ee Soomaaliya Hon. Cali Max'ed Faqay & Hon. Max'ed Cusmaan Maye, iyadoo ay hadallo ka soo jeediyeen Dr. Maxamed Sheikh Xassan oo ka mid ah qorayaasha Soomaalida iyo Tataftiraha Wargeyska ka soo baxa magaalada London ee lagu magacaabo KASMO Dr. C/qaadir Shire Faarax isla markaana horay u qoray buuggii Xeebta Geerida.


Intii ay munaasabadda socotay waxaa su'aalihii la weydiinayay qoraha Buugga TAXANAHA TAARIIKDA SOOMAALIYA & Buuggii ka horreeyay ee WAXAY KUU DHIGEEN MA KUGU DHAQEEN uga jawaabayay si saraaxad leh C/casiis "Xildhiban".


Gebagabadii munaasabaddaas ayuu sidoo kale ka sheegay in uu soo saari doono buug kale oo la magic baxay HORSEEDAYAASHII HALAAGGA SOOMAALIYA. Buuggaasna uu kaga warami doono dhammaan goboodfalkii ka dhacay dalka Soomaaliya waayihii lagu jirey qaska iyo walaahowga weli sii soconaya ee ka jira dalka Soomaaliya.

Xildhiban Publications, London

Waxay kuu dhigeen ma kugu dhaqeen

.

Taxanaha Taariikhda Soomaaliya

Maahmaahyo Murti
& Madadaallo

.

More Books ....