Date:  

Xildhiban Publications

Kulankii qoreyaasha ee ka dhacay magaalada Boston ee dalka Mareykanka

         
Kulankan oo ku beegnaa maalmihii Jimcaha & Sabtiga bisha Luulyo ee ay taariikhdu aheyd 24kii ilaa 25kii ay dadweynaha Soomaalida ee ku nool magaalada Boston dareemeen farxad, reynreyn, maadaama ay aheyd markii ugu horreysay ee kulan sidan oo kale u ballaaran lagu qabtay magaaladaasi, kana soo qeybgaleen qoreyaal Soomaaliyeed.
         
Shirkadda Scansom Publisher ayaa ku soo bandhigtay in ka badan 140 buug oo dhammaantood laga qoray Taariikhda Soomaalida, Suugaanta & dhaqanka, Ciyaarayaha & qeybaha kale ee cilmiga & Diinta Islaamka.
         
Kulankan oo ay ka soo qeybgaleen qeybaha bulshada Soomaalida ee ku dhaqan magaaladaasi Boston ayaa isugu jiray Haween, Gabdho, Dhallinyaro, Cuaqaal, Cirroole. Munaasabaddan oo ay si wadajir ah ah u soo qabanqaabiyeen shirkadda Scamsom Publisher & ururka ACEDONE oo isugu martigaliyay kulankan ballaaran. Kulankan waxaa hadallo qiimo badan ka soo jeediyay
       
Dr. Max'ed Sh. Xassan Nuur oo ah madaxa shirkadda Scansom Publisher ee aalaba ururisa, soo bandhigta isla markaana daabacda buugaagta, wuxuuna qoraaga ammaan & mahad ballaaran u soo jeediyay dadkii Soomaaliyeed ee kulankan ballaaran wax ka soo abaabulay isla markaana ka soo qeybgalay.
       
Dr. Max'ed Sh. Xassan Nuur ayaa ka dib dood cilmiyeed halkaasi lagu qabtay kaga codsaday Soomaalida lagama maarmaannimada & sida loogu baahan yahay in keydinta qoraallada afkeenii hooyo maadaama sida aynu la wada soconno keydkii xagga taariikhda, suugaanta & cilmiga kaleba, sidaas darteedna ay shirkadda Scansom Publishers ku guuleysatay in ay meel qura isugu keento in ka badan 140 buugaag ah oo la qoray muddadii ay dagaallada sokeeye
ka socdeen dalka Soomaaliya. Kulankan labadii maalmood ee uu socday waxaa hadallo ka soo jeediyay Hodan Ciise oo ah Professor of Economics State University of New York, Jawaahir Cabdalla Faarax oo ku taqasustay qoraalka buugaagta carruurta & sida loo ciyaarsiiyo, C/casiis Max'ed Liibaan oo isna ah Abwaan & qoraa kana mid ahaan jiray kooxdii Iftin, Idil Axmed Abuubakar oo afka Soomaaliga ka dhigta jaamacadda Harvard & qoraaga Max'ed Sh. Xassan Nuur, waxaana salaaddii Jimcaha ka dib lagu qabtay masjidka Islamic Society of Boston Centre in Roxbury bandhiggii buugaagta Soomaalida ee sanadkan kii ugu ballaarnaa.

Waxaana ugu dambeyntii halkaasi hadallo qiimo badan ka soo jeedisay gabar lagu magacaabo Prof. Ledwein Kapteins oo loo yaqaano Ladan ahna bare wax ka dhiga Wellesley College ee dalkaasi Mareykanka.

Xildhiban Publications, London

Waxay kuu dhigeen ma kugu dhaqeen

.

Taxanaha Taariikhda Soomaaliya

Maahmaahyo Murti
& Madadaallo

.

More Books ....