|
Waxaa maalmihii
la soo dhaafay ee 11-12kii bishan March sanadka 2009ka lagu
qabtay kulan ballaaran oo ay ka soo qeybgaleen qoreyaal
Soomaaliyeed oo ka kala yimid magaalooyinka London, Toronto,
Stockholm & Helsinki ee dalka Finland.
Waxaa bandhiggan furitaankiisii hadallo soo dhaweyn ah ka
soo jeedisay Tuula Hatainen oo ahaan jirtay wasiirkii
waxbarashada ee dalka Finland haddana ah ku xigeenka duqa
magaalada Helsinki, waxayna hadalkeeda ku muujisay sida ay
ugu faraxsan tahay bandhigga buugaagta Soomaalida ee
sanadkiiba mar lagu qabto dalkaasi.
Kulankan oo lagu soo bandhigayay buugaagtii ay qoreen
qoreyaasha Soomaaliyeed ee ku dhaqan adduunkan dacalladiisa,
waxaa qoreyaashii sanadkan ka soo qeybgalay ka mid ahaa;-
1.
Max’ed Sh.
Xassan Nuur oo ka socday Scansom Publishers, Toronto,
Canada.
2.
C/casiis Cali
Ibrahim “Xildhiban” oo ka socday Xildhiban Publications.
London, UK.
3.
Khaalid Cali
Guul, Copenhagen, Denmark.
4.
Jawaahir
Cabdalla Xaaji Faarax, UK
5.
Max’ed Baashe
Xaaji Xassan, UK
6.
C/qaadir
Cusmaan Max’ud “Oromo” UK
7.
Bashiir
Ismaaciil Cusmaan, “Stockholm, Sweden.
8.
Axmed Wehliye
Coofle, Helsinki, Finland.
Intii uu socday kulankan waxaa lagu soo bandhigay in ka
badan 175 buug oo intoodii badneyd la qoray isla markaana la
daabacay wixii ka dambeeyay intii ay burburtay dowladdii
dhexe ee dalka Soomaaliya.
Bandhiggan buugaaggta laga qoray taariikhda & suugaanta
Soomaalida ayay bulshada ku dhaqan dalkaasi ku tilmaameen in
ay ubadka ama dhallaanka Soomaaliyeed ee ku dhaqan dalkaasi
si wanaagsan uga faa’iideysteen, iyadoo halkaasi ay hadallo
mahadcelin ah ka jeediyeen waallidiintii ka soo qeybgashay
kulankaasi.
Carwo buugeedkan oo sanadkiiba mar lagu qabto magaalo
madaxda dalka Finland ee Helsinki waxaa gebagabadii
bandhiggaasi hadal qiimo leh ka soo jeedisay haweeneyda
madaxda ka ah Ita-Keskus Library, Mrs. Marja Leena & madaxa
qoreyasha Soomaalida isla markaana ah guddoomiyaha shirkadda
Scansom Publishers Dr. Max’ed Sh. Xassan Nuur.
Sidoo kale waxaa kulankan hadallo ka soo jeediyay gabar
Soomaaliyeed oo xubin ka ah xisbiga Virheja Sahra C/llaahi &
C/raxmaan Cali Jiimi oo isna ka tirsan howlwadeennada
“Librarian & Diversity worker-Espoo library”, oo ku
dheeraaday waxqabadka ballaaran ee ay gaareen muddadii 5ta
sannadood aheyd ee ay howsha bandhigga buugaagta Soomaalida
socotay.
Sahra C/llaahi xubin ka tirsan
xisbiga Virheja
C/raxmaan Cali Jiimi “Librarian & Diversity
ee dalka Finland
worker-Espoo library”
Helsinki, Finland.
Xildhiban Publications |
