|
 Waxaa
magaalada London ee dalka Ingiriiska lagu qabtay
kulamo labadii maalmood ee la soo dhaafay ay ku
lahaayeen qoreyaasha Soomaaliyeed. Kulamadaasi oo
lagu kala qabtay xaafadaha Southall & Bethnal Green
ee magaalada London taariikhduna ay aheyd 18 – 19kii
bishan June ee sanadkan 2011.
Kulamadan oo ay soo qabanqaabiyeen Naadiga
Qalinleyda iyo hal-abuurka Soomaaliyeed ee PEN,
laguna soo bandhigayay, buug uu dhawaan soo saaray
Prof. Cabdalla Cumar Mansuur oo ka yimid dalka
Talyaaniga, Max’ed Sh. Xassan Nuur oo ka socday
shirkadda buugaagta ee Scansom Publishers, C/casiis
Cali Ibrahim “Xildhiban” & C/raxmaan Max’ed Abtidoon,
Jawaahir Xaaji Cabdalla, Seynab Xaaji Aadan & Siciid
Cali Shire
oo deggan dalka Ingiriiska.
Muddadii ay socdeen bandhigga buugaagta iyo
hal-abuurka Soomaaliyeed ee PEN halkaasi hadallo ka
jeediyay Prof. Cabdalla Cumar Mansuur oo buuggiisa
cusub uu ka hadlay Taariikhda luqadda bulshada
Soomaaliyeed, iyadoo labadaasi maalmoodba uu uu
barnaamijkani isku xiriirinayay Qadar Dirir oo ah
tafaftiraha Guud ee ku baxa luqadaha Somaliga &
Ingiriiska ee Somali Eye ee ka soo baxa magaalada
London.
Dhinaca kale labadii maalmood ee uu socdeen
kulamadani halkaasi goobjoog ka ahaa Siciid Jaamac
oo ah guddoomiye ku xigeenkii hore ee Naadiga
Qalinleyda & Hal – Abuurka Soomaaliyeed iyadoo intii
ay socdeen bandhigyadaasi goobahaasi lagu qabtay
doodo ku saabsan afka Soomaaliga, iyadoo halkaasi ay
fikradahooda ka jeedinayeen dadweynihii ka soo
qeybgalay bandhigga buugaagta & qoraalka afka
Soomaaligaba.
Ugu dambeyntii waxaa goobahaasi hadallo guubaabo &
dardaaranba isugu jira ka soo jeedisay guddoomiye ku
xigeenka Naadiga Qalinleyda Soomaaliyeed Aamina
Muusse Wehliye isla markaana ammaan & mahad
ballaaran u jeediyay dowladda jamhuuriyadda
Djibouti, gaar ahaan madaxweynaha jamhuuriyaddaasi
MD. Ismaaciil Cumar Geelle & dadkii Soomaaliyeed ee
gacanta ka geystay horrumarinta afka Soomaaliga,
iyadoo naadiga Qalinleyda Soomaaliyeed xaruntiisu
tahay magaalada Djibouti ee dalka jamhuuriyadda
Djibouti. |
