|
|
|
|
|
Sanadguuradii 10aad ee bandhigga buugaagta Taariikhda,
Dhaqanka & Suugaanta Soomaalida oo lagu qabtay
magaalada Helsinki ee dalka Finland. 23 - 24 May,
2014 |
|
|
 Sanadguuradii
10aad ee bandhigga buugaagta Taariikhda, Dhaqanka &
Suugaanta Soomaalida oo lagu qabtay magaalada
Helsinki ee dalka Finland. 23 - 24 May,
2014.
Kulankan oo ka dhacay maalintii ay taariikhdu ay
aheyd 23kii bishan May, sanadka 2014, waxaa ka
soo qeybgalay Qoreyaal Soomaaliyeed oo ka kala yimid
magaalooyinka London, Toronto, Washington ee dalalka
Ingiriiska, Canada & USA.
Kulanka waxaa ugu horreyntii hadallo soo dhaweyn &
marxabeysiin ah ka soo jeediyay Xildhibaan laga soo
doorto deegaanka Espoo ee dalka Finland, Xildhibaan
C/raxmaan Max'ud Cali "Jiimi" ahna qabanqaabiyaha &
isku xiraha keydka keydan ee Qoreyaasha Soomaaliyeed
kana tirsan maamulka maktabadda Pasila ee magaalada
Helsinki ee dalka Finland.
Sidoo kale waxaa iyadna halkaasi hadallo qiimo badan
ka soo jeedisay Nimco Max'ed Nuur oo ka mid aheyd
qabanqaabiyeyaasha bandhiggan buugaagta & dhaqanka
Soomaalida ahna hooyo si gaar ah isugu xilsaartay
qabsoomidda kulankan lagu xusayay sanadguuradii
10aad ee bandhigga buugaagta Soomaaliyeed.
Qoreyaashii maanta halkaasi ka hadlay waxaa ka mid
ahaa;-
1. Max'ed Sheikh Xassan Nuur
2. C/casiis Cali Ibrahim "Xildhiban"
3. C/llaahi "Soomaaliyow"
4. Axmed Xijji
5. Siciid Kaarshe
6. Siciido Goobdoon
7. Nimco Max'ed Nuur
Sidoo kale waxaa iyagana halkaasi hadallo soo
dhaweyn ah ka soo jeedisay agaasimaha guud ee
wasaaradda waxbarashada, hiddaha & dhaqanka ee dalka
Finland, Ms. Riita Kaivasoja & madaxda maktabadaha
magaalada Helsinki ee dalka Finland, Ms. Tuula
Haavisto
Sidoo kale waxaa iyaguna barnaamijkan Suugaan,
Gabayo, Guurow & Geeraarba ka soo jeediyay xubno ka
socday qeybaha bulshada Soomaaliyeed ee ku dhaqan
dalkaasi, wuxuuna bandhiggaasi ku soo gebagaboobay
si wanaagsan.
Guntii & gebagabadii
waxaa halkaasi hadallo aad & aad u qiimo badan ka
soo jeediyay Dr. Max'ed Sheikh Xassan Nuur oo ka mid
ah Qoreyaasha Soomaaliyeed ahna madaxa shirkadda
SCANSOM PUBLISHER, kana mid ahaa hal abuureyaashii
salka u dhigay in kulamo noocan oo kale ah ah ka
dhacaan dalalka Europe & North America.
Waxaana intii ay socdeen xuska sanadguuradaasi ay
ikhyaarta magaaladaasi C/risaaq Cali Cusmaan & Asad
Caalin u sameeyeen Qoreyaasha Soomaaliyeed,
casho sharaf si wanaagsan loo soo agaasimay oo ka
dhacday Hotel Scandic & Restaurant Kilo oo ku yaalla
magaaladaasi, halkaasi oo ay isku dhaafsadeen aqoon
is weyrdaarsi aad u qiimo badan.
Xassan Max'ud Cali "Saadaq"
Helsinki, Finland
|
|
|
 |
|
Bandhigga Dhaqan Soomaaliga |
Casho sharaftii loo sameeyay Qoreyaasha |
 |
 |
|
C/casiis
"Xildhiban" oo guddoonsiinaya |
C/casiis
"Xildhiban" & Gabadha Dhaqanka |
 |
 |
|
Scansom Publishers & Cali Axmed Mire |
Buugaagtii la soo bandhigay |
|
 |
|
Bandhigga Buugaagta Taariikhda, Dhaqanka & Suugaanta
Soomaalida. |
|
|
Isha
qoraalkan;
C/casiis Cali Ibrahim "Xildhiban",
London
Ogeysiis:
Qoraalladan Taariikhda ah waxaa ka mamnuuc
ah in aad daabacdo ama aad ku soo bandhigto
wargeys, haddii aad u baahato fadlan la
xiriir bahda wargeyska uu cinwaankiisu yahay
www.xildhibanpublications.com ama qoraha
caanka ah ee C/casiis
Cali Ibrahim (Xildhiban)
Xildhibanpublications. London |
|
|
