|
Madaxweyne Sh. Shariif
Sh. Axmed wuxuu ku dhashay magaalada Jowhar ee xarunta gobolka
Shabeellada Dhexe ee dalka Soomaaliya, sanadku markuu ahaa 25kii
bishii July 1964tii.
Wuxuu waxbarashadiisii ku dhammeystay magaalada
Muqdisho ee dalka Soomaaliya, wuxuuna magaalooyinka Khartoum &
Tripoli ee dalalka Sudan & Libya ku dhammeystay waxbarashadiisii
dhinaca jaamacadaha , wuxuuna barre ka noqday dugsiyada dalka
Soomaaliya, isaga oo dhigay duruusta juquraafiga, Carabiga & diinta
Islaamka, wuxuuna si wanaagsan ugu hadlaa luqadaha Carabiga & afka
Ingiriiska, wallow aan la arag isaga oo ku hadlaya afka Ingiriiska.
Sh. Shariif Sh. Axmed Sh. Max’ud Sh. Muusse wuxuu dhinaca
waxbarashada ka bilaabay dugisigii Sheikh Sufi institute ee gacan
saarka la leh jaamacadda Al-Azar ee dalka Masar, ka dibna wuxuu
galay jaamacadda Kordufan ee dalka Suudaan dabayaaqadii sanadkii
1992dii halkaas oo uu ka qaatay Bachelor Degree ee luqadda Carabiga
& Juquraafiga jaamacad ku taal magaalada Aldalanj sanadkii 1994tii
ee dalka Libya, jaamacaddaas oo hadda lagu magacaabo Dalanj.
Sh. Shariif Sh. Axmed Sh. Max’ud wuxuu magaalada Tripoli ee
dalka Libya isaga soo tagay ka dib markii uu dhammeystay
waxbarashada dhinaca sharciga & shareecada Islaamka sanadkii
1998dii, wuxuuna yaraantiisii korka ka xafiday quraanka kariimka,
maadama uu ka soo jeedo qoys dhinaca diinta aad looga tixgeliyo
dalka Soomaaliya.
Ka dib markii uu dalka ku soo laabtay Sh. Shariif
Sh. Axmed wuxuu madax ka noqday maxkamad dhinaca shareecada Islaamka
oo laga dhaqangeliyay magaalada Jowhar ee gobolka Sh/Dhexe ee
maamulkii Max’ed Cumar Xabeeb. Sanadkii 2004tii Sh. Shariif Sh.
Axmed Sh. Max’ud wuxuu noqday hoggaamiyihii maxkamadihii Islaamka ee
magaalada Muqdisho, isaga oo saaxiibo aad ay isugu dhow yihiin la
noqday Xassan Daahir Aweys & Aaden xaashi Ceyrow oo ay dowladda
Mareykanka ku eedeysay in uu xiriir la leeyahay ururka Al-Qeada,
isla markaana ka soo dagaallamay dalka Afghanistan sanadkii 2001dii.
9kii bishii Septembar sanadkii 200Sh. Shariif Sh.
Axmed wuxuu magaalada Sirte ee dalka Libya ugu qeybgalay kulan lagu
martiqaaday dowladda KMG ah ee Soomaaliya ee uu hoggaamin jiray C/llaahi
Yuusuf Axmed & dalal kale oo ka tirsan dalalka Midowga Africa ee AU,
wuxuu joogitaankooda shirkaas ku fasiray wareysiyo ay la yeesheen
wakaaladaha wararka ee Reuters & BBC, sidoo kalena uu ku eedeeyay
dalka Ethiopia in ay jirto cadaawad u dhaxeysa dalalka Soomaaliya &
Ethiopia muddo ku siman 500 oo sanadood, wallow ay Ethiopia ay
beenisay eedahaasi in ciidamadoodu ku jiraan gudaha dalka Soomaaliya.
28kii bishii December sanadkii 2006, 6 bilood ka
dib oo ay magaalada Muqdisho ka talinayeen xooggagii uu uu
horkacayay Sh. Shariif Sh. Axmed dagaallo la galeen ciidamadii
Ethiopia eek u sugnaa gudaha dalka Soomaaliya, taas oo keentay in
laga awood roonaado, isla markaana uu u baxsado dalka Kenya. 21kii
bishii January sanadkii 2007 ay ciidamada Ethiopia ku qabteen halka
loo yaqaanno Hulugo ee xuduuddka dalka Kenya, wuxuuna magaalada
Nairobi kula kulmay danjiraha dalka Mareykanka u fadhiya dalkaasi
Reinburger.
1dii bishii February wuxuu magaalada Nairobi uga
ambabaxay magaalada Sana’ ee dalka Yemen, isaga oo ay la socdaan
xubno la sheegay in ay ka tirsanaayeen golihii midowga maxaakiimta
ee ICU. Shir ka dhacay magaalada Asmara ee dalka Eretria waxaa Sh.
Shariif Sh. Axmed Sh. Max’ud loogu doortay in uu noqdo guddoomiyihii
guddiga fulinta ee isbaheysiga dib u xoreynta Soomaaliya ee dagaalka
qaraar la galay ciidamadii ka socday dalka Ethiopia.
Khilaaf soo kala dhexgalay isbaheysigii dib u
xoreynta, taas oo keentay in ay 2 u kala jabaan, ka dib markii ay
wadahadallo la galeen dowladda KMG ah ee Soomaaliya ee ra’iisul
wasaare Nuur Xassan Xussein, taasi oo keentay in ay heshiisyo
dhexmaraan. 29kii bishii December sanadkii 2008 ka dib markii uu is
casilay madaxweynihii dowladdii KMG aheyd ee uu madaxda ka ahaa C/llaahi
Yuusuf Axmed shir ka dhacay magaalada Djibouti loogu doortay in uu
noqdo madaxweynaha Jmahuuriyadda Soomaaliya, taariikhdu markii ay
aheyd 31dii bishii January 2009, ka dib markii uu kaga guuleystay
ninkii la tartamayay S/Guuto Maslax Max’ed Siyaad 293 cod. Ka dib
guushii uu ku guuleystay doorashadaasi waxaa si rasmi ah loogu
dhaariyay hotel Kempinski ee magaalada Djibouti ee dalka Jibouti.
|
