Ra’iisul wasaare Xassan Abshir Faarax wuxuu ku dhashay deegaannada Waqooyi Bari ee dalka Soomaaliya sanadku markuu ahaa 1945, wuxuuna sanadihii u dhaxeeyay 1961-1965 ku dhammeystay waxbarashadiisii magaalada Muqdisho.
Xassan Abshir Faarax wuxuu waxbarasho dhinaca
ciidamada ah ku tagay Military Academy magaalada
Cairo ee dalka Masar, intii u dhaxeysay sanadihii
1980-1986dii, markaas ka dib ka qalin jabiyay
Jaamacadda Ummadda Soomaaliyeed dhinaca sharciga.
Markii ay talada dalka la
wareegeen ciidamada Qalabka Sida ee dalka Soomaaliya
waxaa horraantii sanadihii 1970aadkii loo magacaabay
ku xigeenka maamulkii gobolka Banaadir, waxaana
muddo ka dib loo magacaabay Duqa magaalada Muqdisho,
wuxuuna waqtigan si xooggan ula shaqeynayay
ciidamadii nabadsugidda ee Soomaaliya ee loo
yaqaannay NSS, taas oo keentay in xabsiga loo
taxaabo xubno ka soo horjeeday dowladdii madaxweyne
S/Gaas Max’ed Siyaad Barre.
Sidoo kale wuxuu guddoomiye gobol
ka soo noqday gobollada Sh/Dhexe & Bakool, wuxuuna
ka dib noqday safiirkii Soomaaliya u fadhin jiray
dalalka Japan & Germany, wuxuuna muddadii uu ahaa
Duqa magaalada Muqdisho si xoog leh uga soo
horjeeday shaqdhaqaaqyadii ay wadday jabhaddii
Somali salvation Democratic Front ee “SSDF”.
Sanadkii 1986dii G/Sare Xassan
Abshir Faarax wuxuu wade ka ahaa gaarigii wadada
Afgooye shilka kula galay madaxweynihii hore ee
dalka Soomaaliya Allaha u naxariistee S/Gaas Max’ed
Siyaad Barre, taas oo keentay in loo duuliyo dalka
Saudi Arabia si loogu soo daweeyo.
Ka dib
markii la riday dowladdii dhexe ee Soomaaliya ee
madaxweyne Max’ed Siyaad Barre wuxuu wasiirkii
arrimaha gudaha ka noqday maamul gobolleedka
Puntland ee madaxweyene C/llaahi Yuusuf Axmed,
wuxuuna intii uu hayay xilkaasi ka eryay deegaannada
hoos yimaada maamul gobolleedka Puntland madaxdii
hey’adihii
Eddie John’s
UNDP/UNCTAD, Remmelt Hummeyn UNDP & Said Al-Naimari
UNICEF.
G/Sare
Xassan Abshir Faarax
dowladdii
KMG aheyd ee madaxweyne C/qaasim Salaad Xassan ayaa
u magacowday ra’iisul wasaaraha dowladdii KMG aheyd
ee lagu soo dhisay magaalada Carte ee dalka Djibouti
taariikhdu
markii ay aheyd 12kii bishii November 2001 ka dib
markii xilkii laga qaaday ra’iisul wasaarihii isaga
ka horreeyay ee Dr. Cali Khaliif Galleyr, wuxuuna
xilkaasi hayay illaa laga soo gaaro 8dii bishii
December, sanadkii 2003 & guddoomiyihii baarlamaanka
ee waqtigaas Cabdalla Deerow Isaaq.
Wax yar ka dib markii uu la
wareegay xafiiska ra’iisul wasaaraha Soomaaliya
Xassan Abshir wuxuu dalka Mareykanka ka codsaday in
ay ciidamo u soo diraan dalka Soomaaliya weeraradii
ka dhacay magaalada New York 9kii bishii September,
sanadkii 2001da, si ay ula socdaan dhaqdhaqaaqyada
ururrada argagaxisada, isaga oo ula jeeday ururka
Al-Ittaxaad Al-Islaamiya ee ka jiray dalka
Soomaaliya, ururkaas oo uu dalka Mareykanka ku daray
liiska ururrada argagaxisada 15kii bishii December,
sanadkii 2001da.
Xassan Abshir wuxuu ahaa
hoggaamiyihii u matalayay dowladdii KMG aheyd ee
lagu soo dhisay Carte ee dalka Djibouti shirkii dib
u heshiisiinta ee lagu qabtay magaalada Eldoret ee
dalka Kenya horraantii bishii Oktoobar sanadkii
2002.
Waxaa dhammaaday intii uu socday
shirkii magaalada waqtigii loo qabtay jiritaankii
dowladdii uu madaxda ka ahaa oo ku beegan bishii
August, 2003 ayaa ra’iisul wasaare Xassan Abshir
wuxuu madaxweynihii xilligaas Dr. C/qaasim Salaad
Xassan ka xayuubiyay xilkii uu hayay isaga &
guddoomiyihii baarlaamka KMG ahaa ee Cabdalla Deerow
Isaaq, ka dib markii lagu eedeeyay in ay qaadeen
tallaabooyin ka soo horjeeda axdigii KMG ahaa ee
lagu soo dhisay dowladdaasi, sidoo kalena waxay
dowladdu ku eedeeysay in uu hab siiyay Col. C/llaahi
Yuusuf Axmed si uu dagaal ula galo madaxweynihii la
doortay ee Puntland G/Sare Jaamac Cali Jaamac.
Doorashadii madaxweyne C/llaahi
Yuusuf Axmed ee ka dhacday magaalada Nairobi ka dib,
waxaa loo magacaabay wasiirka kheyraadka Badda ee
dowladdii ra’iisul wasaare Cali Max’ed Geeddi ,
wuxuuna heshiis la galay shirkad laga leeyahay dalka
Mareykanka oo la dagaallanta burcad badeedda,
heshiiskaasi oo lagu qaddaray $ 55 million oo
lacagta dalka Mareykanka ah.
G/Sare
Xassan Abshir Faarax wuxuu xilkaasi iska casilay
1dii bishii August, sanadka 2006, ka dib markii
isaga & wasiiro ka tirsan xukuumaddaasi ay ku
doodeen in ra’iisul wasaare Geeddi uu ku baaqay in
dib loo dhigo wadahadalladii dowladdiisu la laheyd
ururkii maxkamadaha Islaamka ee uu hoggaamin jiray
madaxweyne Sh. Shariif Sh. Axmed, wuxuuna hadal uu
siiyay saxaafadda ku sheegay in dib u dhigista
shirka dib u heshiisiinta uu wax u dhimayo dadaalka
xagga nabadda ee dalka Soomaaliya.
